TABULAM tenere


TABULAM tenere
TABULAM tenere
dicebatur olim apud Catalanos, Vicarius seu Iudex, qui post exactum officium, eo in loco, ubi illud exercuerat, statis diebus 30. videl. a Kal. Ian. incipiendo, morabatur, quo de se conquerentibus coram alio Iudice, a Principe delegato, responderet. Car. du Fresne, ex Curia Gen. Barcinonensi Iacobi II. Aragon Regis, A. C. 1291. et 1299. MSS. in Glossar. ubi etiam de Tabula Cambii, quam tenere dicebantur Mensarii, seu Nummularii, qui inde Graecis τραπεζίται, ex eiusdem Regis Curia General. Cataloniae Ilerdae A. C. 1301. celebratâ: de Tabula Altaris, in Ecclesia Romana quam vulgo Mensam Sanctam vocant, et de qua idem in Descript. S. Sophiae num. 53. pluribus; de Tabula porro alia, non quae Altari superponitur, sed eâ, quae solida et figuris exornata ipsi Altari praetenditur; de Tabula Itineraria, quae vulgo Altare portatile: de Tabula
Officiali, quae seriem ministrorum et officialium, qui hebdomatim publicis functionibus deputantur, in Monasteriis, continens, in Capitulo seu exedra ad communem omnium notitiam exponi, legique solet, antequam pronuntietur commemoratio Sanctorum; de Tabula Peregrinantium, in qua illi, quoties in via quiescunt, legere teneantur, aliisque, varia habet. De Tabula Pacis, supra in hâc voce.

Hofmann J. Lexicon universale. 1698.

Look at other dictionaries:

  • TABELLAE — apud Romanos in Comitiis adhibitae sunt, quemadmedum ὄςρακα seu testae, apud Athenienses. Postquam enim Populus diu suffragium vivâ vocetulisset, postea, ut quisque liberius sententiam suam proferre posset, inventae tabellae, Legesque variae hinc …   Hofmann J. Lexicon universale

  • INQUISITOR Gallinarum — in vett. Inscr. memoratur: quo nomine appellati sunt, extra ordinem in provincias delegati, qui de tributis ac vectigalibus cognoscerent. Maxime vero sic dicti reperivutur, ovi, a Franciae Regibus in provincias delegati, idem munus obibant, quod… …   Hofmann J. Lexicon universale

  • SAGITTA Veterum — an a Scythe Iovis, an a Perse Persei filio, inventa, vide Plinium l. 7. c. 56. atrox telum. Statius Theb. l. 12. v. 29. patuêre recisae Cum capulis hastisque manus, mediisque sagittae Luminibus stantes. Ad quae verba Barthius, Ex hoc aliisque… …   Hofmann J. Lexicon universale


Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.